Elordada stýdentterdiń alǵashqy «Jańa beles-2013» stýdenttik arnaýy ótti
ASTANA. 5 qarasha. QazAqparat - Ash bolsa da qaryny sońǵy úlgide kıinetin stýdentter úshin kúnde mereke. Alaıda, bul belestiń qyzyǵy men shyjyǵy óz aldyna, kúntizbede belgilengen halyqaralyq Stýdentter kúni taǵy bar. Osy ataýly data qarsańynda Astana qalasy Jastar saıasaty máseleleri basqarmasy alǵash ret elordada aýqymy keń saltanatty kesh uıymdastyrdy. «Jańa beles-2013» dep atalatyn jalpyqalalyq stýdentter arnaýyna qalanyń barlyq joǵary oqý oryndarynan 3000 astam stýdent qatysty.
"Bıyl elordamyzǵa rekordtyq kórsetkishtegi stýdentter kelip tústi. 21500 adam. Osy stýdentterdiń arasynda eń úzdigin, belsendilerin jınap, osyndaı is-shara ótkizip otyrmyz. Mundaı sharalar bıyldan bastap júıeli túrde ótkiziletin bolady. Negizgi maqsaty elordaǵa kelgen jastarymyzdyń arasynda dostyq qarym-qatynas, boıyndaǵy mádenıeti men patrıottyq sezimin kúsheıtý bolyp tabylady", - dedi Astana qalasy Jastar saıasaty máseleleri basqarmasynyń basshysy Talǵat Rahmanberdi.
Sózden iske kóshetin zamanda ómir súrip jatqan stýdentterdiń erlikke degen qushtarlyǵy joǵary, bolashaqqa degen senimi mol, arman-maqsatqa jetýge talpynysy zor. Stýdentter arnaýynda osyndaı belsendi 15 stýdentke «Jańa beles-2013» stýdenttik bıleti tapsyryldy.
Stýdent bolý - barlyq jastyń armany. Al osy armanyna qol jetkizip, úıden jyraqta ómirdi tanyp, ózin tanytyp júrgen jastardy ónerdegi aǵa-ápkeleri quttyqtady.
«Jańa beles-2013» - birinshi kýrsqa qabyldanǵan stýdentterdi bas shahar ómirine belsene aralastyryp, shyǵarmashylyq áleýetiniń damýyna muryndyq bolýdy maqsat etedi. Alda mundaı shara dástúrli túrde ótkizilmek.
