Elordada stýdentter men oqýshylar HHІ ǵasyrdyń ózekti máselelerin talqylaýda
Nur-Sultan qalasynda ІІ Ortalyq Azııa BUU Halyqaralyq modeli konferentsııasy bastaldy.
«Bul konferentsııaǵa ózimdi spıkerlik jáne kóshbasshylyq baǵytta damytý úshin kelip otyrmyn. Buǵan deıin Ózbekstandaǵy Tashkent qalasynda ótken konferentsııaǵa qatysqanmyn. Bul jerde elimizdiń jáne álemniń túkpir-túkpirinen kelgen oqýshylarmen tanysyp, qaı memlekette qandaı máseleler bar ekenin talqylap, sheshý joldaryn qarastyramyz. Qazaqstanǵa kelgen qonaqtar bizdiń keńpeıil, qonaqjaı halyq ekenimizdi erekshe atap ótti»,- deıdi Shymkent qalasy hımııa-bıologııa baǵytyndaǵy Nazarbaev zııatkerlik mektebiniń 12-synyp oqýshysy Nurán Janǵazy.
Halyqaralyq konferentsııada jas qatysýshylar dıplomatqa «aınalyp», BUU-ǵa múshe elderdiń ókili retinde sóz sóıleıdi.
«Búgingi is-shara - JOO stýdentteri men joǵary synyp oqýshylaryna arnalǵan BUU-nyń tolyq modeli. Jastar HHІ ǵasyrdaǵy mańyzdy taqyryptardy talqylap, dıskýssııa ótkizedi», - deıdi «Ortalyq Azııa Birikken ulttar uıymynyń modeli» úılestirý ortalyǵynyń basshysy Ýálıhan Bahrıdınov.
Іs-sharaǵa elimizdiń 11 aımaǵynan jáne Ázerbaıjan, Qytaı, Úndistan, Qyrǵyzstan, Reseı, Pákistan, Aýǵanstan jáne Ózbekstannan 250 delegat qatysýda.
