Elordada stýdent qyz jaldap turyp jatqan páterin tonap ketti
NUR-SULTAN. QazAqparat. – Elordada stýdent qyz jaldap turyp jatqan páterin tonap ketti, dep habarlaıdy QazAqparat qalalyq PD baspasóz qyzmetine silteme jasap.
Krımınaldyq polıtsııa qyzmetkerleri urlyq jasaǵan kúdikti 18 jastaǵy stýdent qyzdy ustady. Boıjetken 35 jasar áıeldiń páterinen bir bólme jaldap turǵandyǵy anyqtaldy. Úı qojaıynynyń joqtyǵyn paıdalanyp, stýdent jalpy somasy 700 myń teńgege baǵalanǵan kúzen ton, bylǵary kúrte jáne úsh aıaq kıimdi urlaǵan.
Kúdiktige qatysty «urlyq» baby boıynsha sotaldy tergeý júrgizilip jatyr. Stýdent kinásin moıyndap, urlanǵan zattar tárkilendi. Qazirgi kezde onyń qalada osyǵan uqsas basqa da qylmystarǵa qatysy bar nemese joqtyǵy tekserilip jatyr.
