Elordada strıtboldan Azııa chempıonaty ótedi
ASTANA. QazAqparat - 7-9 qyrkúıek kúnderi Astana jurtshylyǵyn orasan zor sporttyq shoý kútedi. Osy úsh kún aralyǵynda elordada strıtboldan FІVA 3h3 Asia Quest Azııa chempıonaty ótedi, dep habarlaıdy Astana qalasy ákimdiginiń resmı saıty.
Quest Azııa chempıonaty Azııa qurlyǵyndaǵy eń basty sporttyq shara. Týrnırde júzden júırik atanyp, jeńiske jetken qatysýshy 13-14 qazanda Malaızııa astanasynda jalaýyn kóteretin World Tour Kuala Lumpur Masters 2018 halyqaralyq týrnırinde baq synaýǵa múmkindik alady.
Astanada ótetin bul baıraqty básekege Azııanyń alty óńirinde irikteýden ótken álemniń 13 elinen 130 sportshy qatysady dep kútilýde. Synǵa túsetin 32 komandanyń beseýi - Qazaqstan ókilderi. Atalǵan týrnır álemniń 10-nan astam elinde tikeleı efırde kórsetiletin bolady.
Týrnırdiń júlde qory 32 000 AQSh dollary.
