Elordada Strategııalyq bastamalar forýmy ótti
CSI sarapshylary, memlekettik organdardyń, ulttyq kompanııalardyń basshylary, qoǵam jáne saıasat qaıratkerleri, ekonomıster qatysqan forým barysynda el damýynyń ózekti máseleleri, jańa «ósim núktelerin» tabý jaıttary egjeı-tegjeıli talqyǵa tústi. Forýmnyń túske deıingi eki sessııasy barysynda sarapshylar jańa ekonomıkalyq saıasat pen bank sektoryna qatysty oılarymen bólisti.
Al tústen keıingi úshinshi sessııada CSI Erbol Tólegenov «Zeınetaqy reformasy. Sıngapýr modeli» taqyrybynda baıandama jasap, atalǵan modeldiń basym tustaryna toqtaldy. Pikirtalas barysynda dál osy taqyrypqa qatysty Májilis depýtaty Nurjan Áltaev, Eńbek jáne halyqty áleýmettik qorǵaý vıtse-mınıstri Aqmádı Sarbasov, «Biryńǵaı jınaqtaýshy zeınetaqy qory» AQ basqarmasynyń tóraǵasy Janat Qurmanov, qoǵam qaıratkeri Murat Ábenov oıyn ortaǵa saldy.