Elordada sport salasyna eńbegi sińgen azamattar marapattaldy

NUR-SULTAN. QazAqparat – QR Mádenıet jáne sport mınıstrliginde sport salasyna eńbegi sińgen azamattardy marapattaý rásimi ótti, dep habarlaıdy QazAqparat.

Tamyz aıynyń ár úshinshi jeksenbisinde Qazaqstanda Sport kúni merekesi atalyp ótedi. Aıtýly mereke tusynda «Dene shynyqtyrý men sportty damytýǵa qosqan úlesi» jáne «Qurmetti sport qaıratkeri» nagradalaryn 33 adam aldy. Onyń ishinde Májilis depýtaty Abaı Tasbolatov, sambo sportynan bapker Qaımen Esendııarov, Balýan Sholaq atyndaǵy sport mektebiniń dırektory Marat Qoıshın, dzıýdo kúresinen bapker Máýlet Amantaev pen ózge de birqatar azamattar bar.

Mádenıet jáne sport mınıstrliginiń Sport jáne dene shynyqtyrý komıtetiniń tóraǵasy Serik Sápıev sport mamandaryn merekemen quttyqtap, memlekettiń qoldaýynyń arqasynda jastarǵa úlken kóńil bólinip jatqanyn, sporttyń damyp, sporttyq nysandardyń kóptep salynyp jatqanyn atap ótti.