Elordada sport mektebiniń kishkentaı tárbıelenýshileri arasynda kórkem gımnastıkadan qalalyq birinshilik ótti
ASTANA. 30 qańtar. QazAqparat - Elordada №1 Balalar men jasóspirimderdiń Olımpıadalyq rezerv sport mektebiniń kishkentaı tárbıelenýshileri arasynda kórkem gımnastıkadan qalalyq birinshilik ótkizildi.
Bul týraly astana.kz saıtyna qalalyq Týrızm, dene tárbıesi jáne sport basqarmasynan málim etti.
Alǵashqy daıyndyq toptarynda oqıtyn búldirshin qyzdar úshin bul is-sharanyń mańyzy zor edi. Óıtkeni, bul olar qatysyp otyrǵan alǵashqy birinshilik bolatyn.
2004 jyly týǵan kishkentaı qyzdar arasynda týrnır jeńimpazy bolyp Mereıen Káribaeva tanyldy. Al, 2005 jylǵylardan Darıa ıÝkalo men Anelıa Bolat úzdik shyqty. Gımnasshylar arasynda 2006 jyly dúnıege kelgen Ámına Tóleýhanova men Vıktorııa Romashkına jeńiske jetti. Eń kishkentaı qatysýshylar 2007 jyly dúnıege kelgen Alına Tóleýhanova men Valerııa Lýkıanova mektep jeńimpazdary dep tanyldy.
«Bul búldirshinder kórkem gımnastıkamen tek jarty jyldan beri aınalysyp keledi. Ázirge zatpen óner kórsetý tehnıkasyn meńgere qoıǵan joq. Alaıda, gımnastıkanyń bazalyq elementterin ıgerýi óte qýantady», - deıdi Basqarma qyzmetkerleri.
Búgingi kúni astanalyq sport mektebi Qazaqstandaǵy eń úzdikter qatarynda kórinýde. Oǵan munda tárbıelenýshilerdiń respýblıkalyq chempıonattarda birneshe dúrkin jeńimpaz atanýy dálel.
