Elordada sotqa deıingi óndiristi jeńildetip júrgizý týraly dóńgelek ústel ótti
ASTANA. Jeltoqsannyń 22-ci. QazAqparat /Qanat Mámetqazyuly/ - Búgin elordada «Sotqa deıingi óndiristi jeńildetilgen tártippen júzege asyrýdyń tájirıbelik qyrlary» atty taqyrypta dóńgelek ústel jıyny bolyp ótti. Atalǵan sharany QR Bas prokýratýrasy, EQYU-nyń Astana qalasyndaǵy ortalyǵy, Quqyqtyq saıasatty zertteý ortalyǵy jáne Qazaqstannyń advokattar odaǵy uıymdastyrdy,
dep habarlaıdy QazAqparat.
Jıynnyń kún tártibi boıynsha «QR Qylmystyq is júrgizý kodeksine sotqa deıingi óndiristi jeńildetý máseleleri boıynsha ózgerister men tolyqtyrýlar engizý týraly» zańy talqyǵa shyǵarylyp otyr. «Qolda bar málimetterge súıensek, Memleket basshysy qol qoıǵan osy zań ortasha jáne asa aýyr emes qylmystardyń 370 qylmys quramyna qatysty árekettigi júzege asatyn bolady. Bunyń ózi Qazaqstandaǵy quqyq qorǵaý jáne sot júıesiniń tıimdi bola túsýine jol ashatynyn kórsetedi», dep atap ótti basqosýdy ashyp sóz sóılegen QR Konstıtýtsııalyq keńes múshesi Іlııas Baqtybaev.
Atalǵan zań boıynsha qylmystyq isten kúdikti azamatqa qatysty naqty aıǵaqtary bar asa aýyr emes qylmystar boıynsha is júrgizýdiń sotqa deıingi rásimi ońaılatylatyn bolady. Sonymen birge, jańa zańǵa sáıkes, asa aýyr emes qylmystar boıynsha tıisti materıaldar sottyń qaraýyna aınalasy 10 kúnniń shamasynda jiberiledi. Al sot óz kezeginde prokýror men advokattyń jáne basqa da osy protseske qatysýshylardyń aralasýymen berilgen materıaldardy az ǵana ýaqyt ishinde qarastyryp, tıisti azamattyń kinási men jazasyn belgileıdi. Sóıtip, bir jaǵynan aýyr emes qylmystardy tergeýdiń merzimi qysqaryp, jemqorlyq áreketterine tosqaýyl qoıylady.
