Elordada sońǵy táýlikte 14 adamnyń koronavırýsty qaıdan juqtyrǵany belgili boldy

NUR-SULTAN. QazAqparat – QR Aqparat jáne qoǵamdyq damý mınıstri Dáýren Abaev Nur-Sultanda sońǵy táýlikte 14 adamnyń koronavırýsty qaıdan juqtyrǵanyn aıtyp berdi, dep habarlaıdy QazAqparat tilshisi.

«Sońǵy táýlikte elordada koronavırýs juqtyrǵan 14 adam tirkeldi. Onyń ishinde 9-y – karantınde statsıonarda bolǵandar. Úsheýi buryn tirkelgen adamdarmen baılanysta bolǵandar. Bireýi – 25 naýryzda Nur-Sultandaǵy áýejaıǵa ushyp kelgen adam. Beseýi – statsıonarda pnevmanııa kúdigimen ótkir JRVI-men jatqandar. Qalǵandary – koronavırýs boıynsha jaǵdaı jaısyz elderden ushyp kelgenderdi qadaǵalaý barysynda anyqtaldy», - dedi mınıstr «Habar 24» arnasyndaǵy onlaın rejimdegi baspasóz máslıhatynda.

Olardyń bári qazirgi ýaqytta ınfektsııalyq statsıonarǵa jatqyzylǵan. Sonymen qatar olarmen jaqyn baılanysty bolǵandardy oqshaýlaý jumystary júrgizilýde.

«Keıingi ýaqytta azamattardyń kóshege shyǵýyn tejeý boıynsha jıyrmaǵa tarta suraq kelip tústi. Bul suraq memlekettik komıssııanyń qaraýynda. Komıssııa otyrysy búgin ótedi. Nátıjesin BAQ-qa jarııalaımyz», - dedi ol.