Elordada «Solıster akademııasy» memlekettik kameralyq orkestriniń kontserti bolady
ASTANA. 20 qazan. QazAqparat - Erteń elordadaǵy Qazaq ulttyq óner ýnıversıtetiniń «Shabyt» zalynda «Solıster akademııasy» memlekettik kameralyq orkestriniń kontserti ótedi,
dep habarlady qalalyq mádenıet basqarmasynyń baspasóz qyzmetinen.
Vedomstvonyń atap ótýinshe, mádenı kesh barysynda venetsııalyq kompozıtor Antorıo Lýcho Vıvaldıdiń «Jyl mezgilderi», argentınalyq kompozıtor Astor Pıatstsollanyń «Jyl mezgilderi» syndy taǵy da basqa klassıkalyq mýzykanyń jaýhar týyndylary oryndalady.
«Solıster akademııasy» Memlekettik kameralyq orkestrimen birge QR Memlekettik syılyǵynyń laýreaty, Halyqaralyq shyǵarmashylyq akademııasynyń akademıgi, Qazaq ulttyq óner ýnıversıtetiniń rektory, Aıman Musaqojaeva óner kórsetedi.
