Elordada soqqyǵa jyǵylǵan tórt jasar bala men onyń anasy qonaq úıge ornalastyryldy
NUR-SULTAN. QazAqparat – Nur-Sultanda soqqyǵa jyǵylǵan tórt jastaǵy bala men onyń anasy elordadaǵy qonaq úıge ornalastyryldy, dep habarlaıdy QazAqparat qalalyq Bilim basqarmasynyń baspasóz qyzmetine silteme jasap.
«Qamqorshylyq jáne qorǵanshylyq organy ıývenaldyq polıtsııa qyzmetkerlerimen birlese otyryp, 4 jasar qyzdy er adamnyń aıaýsyz uryp-soǵý faktisi boıynsha istiń mán-jaıyn tekserdi. Nátıjesinde balaǵa psıhologııalyq kómek usynyldy. Іs materıaldary Nur-Sultan qalasy ákimdiginiń janyndaǵy kámeletke tolmaǵandar isteri jónindegi komıssııanyń qaraýynda. Anasynyń tanysyna qatysty qylmystyq is qozǵaldy. Qazirgi kezde ol ýaqytsha oqshaýlaǵyshqa qamalǵan», - dep habarlady qalalyq bilim basqarmasynyń baspasóz qyzmetinen.
Qamqorshylyq jáne qorǵanshylyq organy «Pravo» qoǵamdyq qorymen birlesip, otbasyna kómek kórsetip jatyr. Qazir bala anasymen «Pravo» qoǵamdyq qory janyndaǵy balalar qonaq úıine ornalastyrylǵan. Balaǵa psıhologııalyq jáne medıtsınalyq kómek kórsetilýde.
Aıta ketsek buǵan deıin «Eýrazııa birinshi arnasy» elordadaǵy er adamnyń tórt jastaǵy qyz balany aıaýsyz uryp-soqqanyn habarlaǵan bolatyn. Telearna usynǵan málimetke sáıkes 46 jastaǵy er adam elordalyq áıelmen kezdesip, úı bolýdy oılap júrgenin aıtqan. Tipti balasymen tanysýǵa asyq bolǵan.
