Elordada soǵys ardagerleriniń qurmetine Estelik taqta ashyldy
Vedomstvonyń málimetinshe, bul nysan Jeńistiń 77 jyldyǵyna oraı jáne Otanyn qorǵap, erlik kórsetken ishki ister organdarynyń qyzmetkerleri – qazaqstandyq jaýyngerlerdiń qurmetine salyndy.
«Buny surapyl Uly Otan soǵysynyń kezinde eli úshin, halqy úshin janyn pıda etken, ómirin qıǵan talaı qazaq batyrlaryna, sol Uly Otan soǵysyna qatysqan azamattardyń bárine, soǵysta jeńiske jetý úshin tylda eńbek etken, erlik jasaǵan bizdiń halqymyz úshin qoıylǵan úlken eskertkish dep qarastyrýymyz kerek dep oılaımyn», – dedi Premer-Mınıstrdiń orynbasary Eraly Toǵjanov taqtanyń tanystyrylymynda.
Aıta ketý kerek, Uly Otan soǵysyna 1,5 mıllıonnan astam qazaqstandyq qatysty, olardyń jartysynan kóbi maıdan dalasynan elge oralǵan joq. 500-deı otandasymyz Keńes Odaǵynyń Batyry atanyp, 124-i «Dańq» ordeniniń tolyq ıegeri boldy.
