Elordada Smile Astana baıqaýynyń jeńimpazdary anyqtaldy
ASTANA. QazAqparat - 19 maýsymda «Smile Astana» jobasyn iske asyrý sheńberinde «Kúmis kúlki, baqytty beıne» eń úzdik fotografııa nemese eskız-ıdeıa baıqaýy «Baqytty beıne, kúmis kúlki» baıqaýynyń onlaın daýys berý aıaqtaldy.
Baıqaý jeńimpazynyń úzdik fotografııasy men eskız-ıdeıasy jarnama konstrýktsııalarynda, Astanadaǵy LED-ekrandarda, Astana qalasy ákimdiginiń resmı saıtynda jáne áleýmettik jelilerde ornalastyrylady. Odan keıin jeńimpazdyń eskız-ıdeıasy nemese fotografııasy merekelik sharalarda bezendendirýge paıdalanylady jáne ótkizý barysynda brendbýktarda qoldanylady.
Qala ákimdigi saıtynyń habarlaýynsha, baıqaý nátıjesinde guzya_kaldybekova 37,4% daýys jınap, jeńimpaz atandy. Zhanar_notes 34,6% jınasa, yergalieva_aigerim - 18,9%, mikatumen - 9,1%.
Daýys berýge 7 570 qoldanýshy atsalysqan.
