16:47, 28 Qazan 2024 | GMT +6

Elordada «Smartfonsyz mektep» jobasy iske qosyldy

Елордада «Смартфонсыз мектеп» жобасы іске қосылды — Фото, видео: Астана қаласының Білім басқармасы

ASTANA. KAZINFORM – Astana qalasynyń birqatar mektebinde jańa joba qolǵa alyndy. Oqýshylar sabaq barysynda alańdamaýy úshin uıaly telefondaryn ustamaıdy. Bul týraly elordanyń bilim basqarmasynyń baspasóz qyzmeti habarlaıdy.

«Bilim sapasyn arttyrý maqsatynda Astanada birqatar bilim berý uıymynda «Smartfonsyz mektep» jobasy iske asyp jatyr. Oqýshylar sabaqtyń aldynda uıaly telefondaryn arnaıy uıashyqtarǵa salyp qoıady», - deıdi basqarmadan.

Jańa joba elordanyń birqatar mektebinde engizildi. Atap aıtqanda, №1, №4, №7, №8, №17, №18, №25, №28, №29, №32, №34, №43, №46, №48, №52, №58, №70, №73, №76, №77, №87, №93, №103, №103 jáne №108 bilim ordasy.

«Mundaı is-shara oqýshylardyń oılaý qabileti men psıhologııalyq jaı-kúıine oń áser etedi», - dep tolyqtyrdy qalalyq vedomstvodan.

Sondaı-aq Bilim basqarmasynyń habarlaýynsha, atalǵan jobany mektepterge engizý mindettelmeıdi.

Eske sala ketsek, byltyr qarashada oqýshylarǵa sabaq ústinde telefon qaraýǵa shekteý engizildi. Atalǵan zań jobasy Májilistiń jalpy otyrysynda qabyldandy.

Tegter:

Астана Білім Мектеп Видео Телефон

Сейчас читают