Elordada syrǵanaqtar men muz aıdyndary qaı jerde ashylady
Astanada syrǵanaqtar, muz aıdyndary, shańǵy trassalary, jańa jyldyq fotoaımaqtar jáne ózge de kóńildi demalys oryndary ashylady, dep habarlady Kazinform Astana qalasynyń ákimdigine silteme jasap.
Barlyǵy 60-qa jýyq syrǵanaqtar men muz aıdyndary daıyndalady. Olardyń bárine kirý elorda turǵyndary men qonaqtary úshin tegin bolady (konkı, syrǵanaýǵa arnalǵan zattardy eseptemegende). Qys mezgilinde bos ýaqytty paıdaly ótkizý úshin tómendegideı oryndar belgilendi:
Baıqońyr aýdanynda: 1. «Jastar» saraıy (Respýblıka dańǵyly, 34) – onyń aýmaǵynda muz aıdynyn, 2 syrǵanaq ashý josparlanyp otyr, sondaı-aq jańa jyldyq shyrsha ornatylady;
2. K.Atatúrik atyndaǵy saıabaq (J.Táshenov kóshesi) – onyń aýmaǵyna muz aıdyny men syrǵanaq ornatý josparlanyp otyr;
3. «Jazýshylar» alleıasy (Abaı dańǵyly) – osy ýchaskede syrǵanaq, «Jańa jyldyq shar», Aıaz Ata men Aqshaqar músinderin jáne t.b. ornatý josparlanyp otyr;
4. Óndiris eldi mekeni (Aqbıdaı men Kemeńgeruly kósheleriniń qıylysy) – munda muz aıdyny men syrǵanaq ornatylady;
5. Kırpıchnyı eldi mekeni (Chehoev jáne Jolymbet kósheleriniń qıylysy) – Óndiris eldi mekeninde muz aıdyny men syrǵanaq ornatylady;
6. «Qazqalashyq» eldi mekeni (Dosmuhameduly kóshesi, 6) – bıiktigi 2 metr syrǵanaq, 6 metrlik konýstyq shyrsha ornatylady;
7. «SMP» TM (Kenshiler kóshesi 5, 126-kóshe) – bıiktigi 2 metr syrǵanaq jáne 6 metrlik konýstyq shyrsha ornatylady. Dál osyndaı syrǵanaq 126-shy kóshede ornatylady.
8. «Qoıandy» (Alash tas joly) – bul ýchaskede bıiktigi 4 metr bolatyn syrǵanaq ornatylady, muz aıdynynyń aýdany 240 sharshy metrdi quraıdy, sondaı-aq 5 metrli shyrsha ornatylady.
Saryarqa aýdanynda myna oryndar boıynsha 11 syrǵanaq pen 4 muz aıdynyn salý josparlanyp otyr:
1. Bógenbaı batyr dańǵyly, 43, (muz aıdyny);
2. Qalalyq alań, Beıbitshilik kóshesi, 11 (2 syrǵanaq jáne muz aıdyny);
3. Kóktal saıabaǵy (2 syrǵanaq jáne muz aıdyny);
4. Kenesary han eskertkishiniń janyndaǵy Esil ózeniniń jaǵalaýy (6 syrǵanaq pen muz aıdyny);
5. Oqjetpes-Gertsen kósheleriniń qıylysy (1 syrǵanaq).
Almaty aýdanynda syrǵanaqtar (11) «Qazaq eli» alańynda, Trıatlon saıabaǵynda, Pıramıdanyń artyndaǵy saıabaqta, Oqýshylar saraıynyń aýmaǵynda, «Nurly jol» vokzalynyń aýmaǵynda, Saraıshyq shaǵyn aýdanynda, taǵy 5 syrǵanaq Temirjolshylar, Promyshlennyı, Internatsıonalnyı, Kúıgenjar, Mıchýrıno eldi mekenderinde bolmaq. Muz aıdyndary «Qazaq eli» alańynda, «Trıatlon» saıabaǵynda, «Pıramıda» artyndaǵy saıabaqta jáne kópir astyndaǵy aýmaqta ornalasady.
Nura aýdanynda da arnaıy taqyrypqa arnalǵan shaǵyn arhıtektýralyq fıgýralar ornatylady, fotoaımaqtar ashylady jáne 6 tóbeshik pen 2 syrǵanaq bolady:
1. Ortalyq saıabaq (tóbeshik, syrǵanaq);
2. «Han Shatyr» saýda úıiniń janyndaǵy aýmaq (2 syrǵanaq, muz aıdyny);
3. «Azııa Park» SOO (tóbeshik);
4. Aıtmatov-Syǵanaq qıylysy (tóbeshik);
5. Úrker eldi mekeniniń Aıǵyrjal kóshesindegi alań (tóbeshik).
Esil aýdanynda merekelik is-sharalardy ótkizý úshin úsh negizgi oryn belgilendi – EKSPO alańy, Botanıkalyq baq jáne «Kerýen» saýda úıi. Botanıkalyq baqta jáne EKSPO aýmaǵynda 2 tóbeshik, Botanıkalyq baqta, «Kerýen» SOO janynda muz aıdyny, sonymen qatar EKSPO aýmaǵynda 2 syrǵanaq ornatylady.
Sondaı-aq «Báıterek» monýmenti, Saltanat qaqpasy, Nurjol býlvary jáne «Astana Balet» teatry mańyndaǵy aýmaqtar shaǵyn arhıtektýralyq fıgýralarmen bezendiriledi. Merekelik kóńil-kúı syılaý úshin Máńgilik El dańǵyly, Dostyq, Saraıshyq, Qonaev, Bókeı han kósheleri boıyndaǵy t.b. aǵashtardy bezendirý josparlanyp otyr.
