Elordada sıntetıkalyq esirtki zattary kontrabandasynyń iri arnasy áshkerelendi
ASTANA. QazAqparat - Elordada sıntetıkalyq esirtki zattary kontrabandasynyń iri arnasy áshkerelendi. Bul týraly QazAqparat QR Qarjy mınıstrliginiń Memlekettik kirister komıtetine silteme jasap habarlaıdy.
«2016 jylǵy 1 jeltoqsanda QR QM MKK Ekonomıkalyq tergeýler qyzmetiniń ofıtserleri sıntetıkalyq esirtki zattardyń kontrabandasynyń iri arnasyn áshkereledi. Olar jedel-izdestirý sharalarynyń aıasynda Astana turǵyny S. degen azamatty ustady. Odan metılendıoksımetamfetamın (ekstazı) psıhotroptyq zaty bar 981 tabletkasy alyndy», - delingen habarlamada.
Vedomstvo aqparatyna sáıkes, tárkilengen esirtki partııasynyń qara naryqtaǵy boljamdy baǵasy 15 mln. teńgeni quraıdy. Atalǵan fakt Sotqa deıingi tergep-tekserýlerdiń biryńǵaı tiziliminde tirkeldi jáne ol boıynsha tergeý sharalary júrgizilýde.
«S. degen azamat sot sanktsııasymen qamaýǵa alyndy. Ózge aqparat tergeý múddesine baılanysty jarııalanbaıdy», - delingen aqparatta.
