Elordada SIM-karta satatyndar tekseriledi

NUR-SULTAN, QazAqparat - Ózge azamattarǵa tirkelgen SIM-kartalardy satý týraly qazaqstandyqtardyń shaǵymyna oraı saýda núkteleri tekseriledi, dep habarlaıdy QazAqparat tilshisi.

«Júrgizilgen tekserýlerdiń nátıjesinde uıaly baılanys qyzmetterin kórsetýge kelisimshart jasamaı SIM-kartalardy satý faktileri rastalsa, dılerlerge 100 AEK deıin aıyppul salynady», - deıdi QR Tsıfrlyq damý, ınnovatsııalar jáne aeroǵarysh ónerkásibi mınıstrligi Telekommýnıkatsııalar komıtetiniń tóraǵasy Vıtalıı ıAroshenko.

Onyń aıtýynsha, aldyn ala basqa azamatyń atyna tirkelgen SIM-kartalardy satý uıaly baılanys qyzmetin kórsetý erejesin buz bolyp tabylady. Sondaı-aq, bul satyp alýshyǵa da yńǵaısyzdyq týdyrýy múmkin.

«Eger azamat SIM-kartany satyp alsa jáne satýshy oǵan nómirdi tirkeýdi usynbasa, bul nómirdiń basqa bireýdiń atyna tirkelgenin bildiredi. Nómirdiń ıesi ony kez kelgen ýaqytta ajyratyp tastaýy múmkin ekenin túsiný kerek», - deıdi V. ıAroshenko.

Aıta keteıik, 2019 jylǵy 1 qańtarda Qazaqstanda abonenttik qurylǵylardy tirkeý aıaqtaldy. Qazirgi ýaqytta qoldanystaǵy barlyq mobıldi telefondar SIM-karta ıesiniń JSN-na tirkelgen. 2018 jyly SMS habarlama joldaý arqyly tirkelmegen uıaly baılanys qurylǵylary (2019 jylǵy 1 qańtarda) telefondaǵy SIM-kartaǵa baılanyp, avtomatty túrde tirkeýge qoıylady.