Elordada Syǵanaq kóshesiniń ýchaskesi jóndeý jumysyna baılanysty jabylady

ASTANA. KAZINFORM – Astana qalasynyń Kólik jáne jol-kólik ınfraqurylymyn damytý basqarmasy Máńgilik El dańǵyly men Syǵanaq kóshesiniń qıylysyndaǵy kólik aıryǵynan Túrkistan kóshesine deıingi ýchaskede Syǵanaq kóshesi boıynsha jol tósemine jóndeý júrgizedi. 

Elorda ákimdigi resmı saıtynyń málimetinshe, jol jóndeý jumystaryna baılanysty 25 maýsym saǵat 00:00-den 28 maýsymǵa deıin joǵaryda atalǵan ýchaske tolyǵymen jabylady. 

Qala turǵyndary men qonaqtaryna jol júrgende kepteliste qalmas úshin qozǵalys baǵytyn aldyn ala josparlaý qajet ekenin eske salamyz.