Elordada «Shyǵys Qazaqstannyń mýzykalyq murasy» aýdıo kitabynyń tanystyrylymy bolady

Shyǵys Qazaqstannyń mýzykalyq murasy - Túrki áleminiń altyn besigi Altaı men Shyńǵystaý, Baıan Ólgeı men Qytaıdyń Altaı-Tarbaǵataı arasyn alyp jatqan darhan dala daýsy ejelden án-jyrmen kómkerilgen kıeli mekenniń zor maqtanyshy. Aqtańger aqyndary men dáýlesker kúıshileriniń, jeztańdaı ánshileri men syrly sybyzǵyshylarynyń sıqyrly sazdy saryny atadan balaǵa mura. Shertpe kúıdiń negizin qalaýshy kúı atasy Baıjigit, qaharman Ketbuǵanyń kóne saryndary qaı jaǵynan alyp qarasań da aýqymdy. Kemeńger Abaı, shejire Shákárim, Áset pen Jánibek, sybyzǵyshylar Shanaq pen Kálek aqsaqaldyń esimderi qazaq mýzykasynyń tarıhynda altyn áriptermen jazylyp qalary sózsiz.

Osynaý mol murany urpaqqa úzbeı jetkizý maqsatynda Shyǵys Qazaqstan oblysynyń ákimi Berdibek Saparbaevtyń tikeleı atsalysýymen Shyǵys Qazaqstan oblystyq mádenıet basqarmasy men oblystyq memlekettik fılarmonııasy «Shyǵys Qazaqstannyń mýzykalyq murasy» antalogııasyn jaryqqa shyǵaryp otyr.