Elordada «Shyǵys derekterindegi onomastıka jáne ulttyq antroponımıka máseleleri» atty halyqaralyq ǵylymı- tájirıbelik semınar ótti

 dep habarlaıdy QazAqparat.

Konferentsııaǵa arqaý bolǵan ózekti máselelerdiń biri - túrki halyqtarynyń tarıhyndaǵy qundylyqtar men aqtańdaqtar máselesi.

 Konferentsııanyń resmı bóliminde ǵalymdar túrki mádenıetin tereńdeı zerttegen eńbekterimen  tanystyryp, tolymdy baıandamalar jasady. Atap aıtqanda, Japonııanyń Kıoto qalasynan kelgen soǵdologııa ǵylymynyń maıtalmany ıÝtaka Ioshıda Gobı shólindegi Seýreı tas eskertkishterindegi jazýlardy zertteýdiń nátıjeleri; tarıhshy, professor Qoıshyǵara Salǵaraulynyń túrik nemese túrki ataýynyń túp-negizine úńilgen oılary, Qypshaq tarıhy máselelerine arnalǵan baıandamasy, fılologııa ǵylymdarynyń doktory Qarjaýbaı Sartqojanyń orta ǵasyrdaǵy qazaq dalasynda ornalasqan Joshy-Qypshaq, Altyn orda ataýlarynyń qoldanylý máselelerine arnalǵan oı-tolǵamdary jáne basqa da tolymdy eńbekteri sóz bolyp, ortaǵa usynylǵan bul pikirler tarıhshy ǵalymdar tarapynan qyzý talqylandy.

«Búgingi konferentsııanyń jóni bólek. Sebebi shyǵys derekterin, onyń ishinde bizben baılanysyp jatqan  Altaı derekterindegi, Japon, Qytaı derekterindegi onomastıkalyq, antroponımıka máseleleri shynynda da qaıta sabaqtaýdy, paryqtaýdy qajet etip otyrǵan jaıy bar», deıdi L.N.Gýmılev atyndaǵy Eýrazııa Ulttyq ýnıversıtetiniń prorektory, professor Dıhan Qamzabekuly.

 Jıyn  barysynda Dıhan Qamzabekuly Ýnıversıtet atynan shyn alǵysty bildirý maqsatynda Japonııadan kelgen meıman ıÝtaka Ioshıdaǵa oqý ordasynyń «Kúltegin» atty estelik belgisin tabys etti.

 Іs-sharanyń josparyna sáıkes, tús qaıta konferentsııa jumysy Almaty jáne Qaraǵandy baıandamashylarynyń sóz sóıleýimen jalǵasyn tabatyn bolady.