Elordada short-trekten Qazaqstan chempıonaty ótedi
ASTANA. KAZINFORM - Astanada 11-15 qyrkúıek aralyǵynda short-trekten Qazaqstan chempıonaty ótedi.
Respýblıkalyq birinshilikte sportshylar jeke qashyqtyq boıynsha synǵa túsedi. Nátıjesinde aldaǵy halyqaralyq dodalarǵa baratyn qurama jasaqtalady.
Short-trekten memlekettik jattyqtyrýshy Azamat Alıevtiń aıtýynsha, oǵan elimizdiń 10 óńirinen 100-den astam sportshy keledi.
El birinshiligine Denıs Nıkısha, Ádil Ǵalıahmetov, Abzal Ájǵalıev, ıAna Han, Alına Ajǵalıeva, Madına Janbýsınova, Olga Tıhonova sekildi ulttyq qurama sapynda álemdik dodalarda qatysyp júrgen short-trekshiler bar.
Sportty damytý dırektsııasynyń habarlaýynsha, aldaǵy kúzden bastap 2026 jyly Italııanyń Mılan qalasynda ótetin qysqy Olımpıada oıyndaryna qatysý úshin qajetti upaı jınaıtyn lıtsenzııalyq jarystar bastalady.
Eske salsaq, budan buryn Olımpıadaǵa irikteý kezeńine qatysý úshin qazaqstandyq short-trekshiler mańyzdy maýsymǵa daıyndyqty bastap ketti.