Elordada shomylý maýsymy bastalmaı jatyp 3 adam sýǵa ketken
Nur-Sultan qalasynyń tótenshe jaǵdaılar departamenti basshysynyń mindetin atqarýshy Esen Baıyrov shomylý maýsymy bastalmaı jatyp, sýǵa batqandar bar ekenin aıtady.
«2020 jyldyń ótken shomylý kezeńinde Nur-Sultan qalasynyń sý aıdyndarynda 5 adam qaza tapty. Bıyl shomylý kezeńi bastalǵanǵa deıin elordanyń sý aıdyndarynda qaıǵyly oqıǵalar tirkeldi. Onda 3 adam, ishinde bir bala jan tapsyrdy. Alǵashqy qaıǵyly oqıǵa 18 mamyrda boldy. Er adam ruqsat etilmegen jerde sýǵa túsken», - dedi departament basshysy ákimdiktiń aqparat alańynda ótken onlaın brıfıngide.
Osyǵan baılanysty qalanyń jaǵlaýlarynda qaýipsizdik sharalary kúsheıtilip otyr. Ásirese demalys jáne mereke kúnderi qutqarýshylar kúsheıtilgen rejımde jumys istemek.
Atalǵan sharada Esen Baıyrov shomylý oryndarynda qaýipsizdik sharalary qalaı kúsheıtiletinin de aıtqan bolatyn.
«Mereke jáne demalys kúnderi qyzmetkerler sany kóbeıtilip otyrady. Elorda turǵyndary men qonaqtaryna shomylý qaýipsizdiginiń erejelerin úgit-naıshat paraqtaryn taratý arqyly túsidiremiz. 19 ákimshilik hattama jasaldy. Ákimdikpen birlesip 140 tyıym salý belgisi ornatyldy, 20 aqparattyq stend ornatyldy», - dedi Esen Baıyrov.