Elordada sholaq myltyq satpaq bolǵan er adam ustaldy

NUR-SULTAN. QazAqparat – Polıtsııaǵa 40 jastaǵy er adamnyń ańshy sholaq myltyǵyn satyp alýshy izdegeni týraly aqparat kelip tústi, dep habarlaıdy QazAqparat Nur-Sultan qalasy polıtsııa departamentiniń baspasóz qyzmetine silteme jasap.

Kúdiktiniń sholaq myltyqty satyp jierý úshin Ekibastuzdan elordaǵa arnaıy shyqqany anyqtalǵan. Maman qorytyndysyna sáıkes, «IJ-58 MA» ańshy myltyǵy kesilip, qysqartylǵan. Kúdikti Ortalyq bazar janynda, qarýdy satyp jibermek bolǵan kezde ustaldy. Onyń jol dorbasynan qarý alyndy.

Qazirgi kezde kúdikti er adamǵa qatysty qylmystyq is qozǵaldy. Buryn sottalǵan er adam óz kinásin moıyndady, tergeý amaldary júrgizilip jatyr.

17 mamyrdan bastap elorda aýmaǵynda qarý ıelerin tekserý úshin arnaıy shara ótkizip jatyr. Ýchaskelik ınspektorlar úılerdi aralap qarý saqtaý talaptaryn tekserip, tirkelmegen qarý-jaraq, jarylǵysh zattardy anyqtap, tárkileýde.

Jedel-aldyn alý sharasy bastalǵaly qarý-jaraqty saqtaý jáne ustaý erejesin buzýǵa qatysty 99 fakti, qarýdy tirkeý tártibin buzýǵa qatysty 91 fakti anyqtaldy, 190 qarý ıesi ákimshilik jaýapkershilikke tartyldy. Qarýdy satý erejesin buzǵany úshin 281 tirkelgen qarý alyndy. Zańsyz saqtalǵan 21 qarý men 63 oq tárkilendi.

Nur-Sultan qalasynyń polıtsııa departamenti qarýdy zańsyz saqtap júrgender ony óz erkimen tapsyrǵan jaǵdaıda qylmystyq jáne ákimshilik jaýapkershilikten bosatylatynyn eske salady.