Elordada ishinde bala bolǵan lıft úzilip ketti

ASTANA. KAZINFORM – Astanada lıftiniń isten shyǵý faktisi tirkeldi. 

Tótenshe jaǵdaı elordanyń M. Tólebaev kóshesindegi kópqabatty turǵyn úıde tirkelgen. Aqparatta aıtylǵandaı, lıftiniń ishinde qyz bala bolǵan. 

Balanyń qazirgi jaǵdaıyn qalalyq qoǵamdyq densaýlyq saqtaý basqarmasynan suraǵan edik.

— Ata-anasy balasyn № 2 kópsalaly balalar aýrýhanasyna aparǵan. Beıindi mamandar ambýlatorııalyq tekserý júrgizdi. Aýyr jaraqat bolmaǵandyqtan, aýrýhanaǵa jatqyzý qajet bolmady, sondyqtan bala ambýlatorııalyq em alýǵa jiberildi. Odan arǵy emdeý turǵylyqty jeri boıynsha júrgiziledi, — degen habar aldyq basqarmanyń baspasóz qyzmetinen.

Aıta keteıik, el aýmaǵynda lıftiniń kenetten isten shyǵý faktileri jıi bolyp turady. Bıyl mamyrda Qyzylordada lıft ishinde qalyp qoıǵan adamdar qutqaryldy. 
Sondaı-aq óskemendikter lıftilerdiń jıi synatynyna shaǵymdandy. 

Odan bólek Aqtóbede lıft istemeıtin úıdiń keı turǵyndary aılap dala kórmeıtinin jazǵan edik. 

Eske salaıyq, elimizde taǵam, janarmaı, lıftige qatysty tehnıkalyq reglament qaıta qaralady.