Elordada sheteldik taksı qyzmetteriniń jumysyn retteıtin ereje jasalady

NUR-SULTAN. QazAqparat — Elordada sheteldik taksı operatorlarynyń qyzmetin retteıtin ereje engiziledi. Bul týraly Nur-Sultan qalasy máslıhatynyń bıýdjet, ekonomıka, ónerkásip jáne kásipkerlik máseleleri jónindegi turaqty komıssııasynyń otyrysynda aıtyldy, dep habarlaıdy QazAqparat tilshisi.

Shara barysynda qalalyq máslıhat hatshysy Erlan Kanalımov qalada taksı qyzmetin usynýshy sheteldik operatorlardyń máselesin kóterdi.

Tıisti basqarma ókilderi taksı qyzmet kórsetý salasynda birqatar problemalar bar ekenin atap ótti.

«Qalada taksıge qyzmet kórsetýde birqatar problemalar bar. Naqtyraq aıtsaq, basqa elderdiń operatorlaryna baılanysty másele bar. Aıtalyq, Didi operatory naryqqa kirdi. ıAndeks te bar. Solardyń taksı qyzmetin usynýyn retteıtin belgili bir erejelerdi engizý máselesi pysyqtalyp jatyr. Biz óz usynystarymyzdy engizemiz» - dedi ákimdik ókilderi.

Atalmysh jıynda elodada taksı qyzmetin reformalaý qajettigi aıtylǵan bolatyn.

Sonyń aıasynda taksı qyzmetiniń qunyn saralanǵan tarıf arqyly retteý usynylyp otyr.