Elordada sheteldik kólikti zańsyz tirkeýmen aınalysqan qylmystyq top ustaldy

ASTANA. QazAqparat - 2020 jyldan bastap Sybaılas jemqorlyqqa qarsy qyzmet júrgizýshi kýálikterin zańsyz berýge jáne sheteldik avtomobılderdi esepke qoıýǵa baılanysty 18 qylmystyq isti tergedi, dep habarlaıdy Sybaılas jemqorlyqqa qarsy is-qımyl agenttiginiń baspasóz qyzmeti.

Bul ister boıynsha júrgizýshi kýáligin berý kezinde 60 myńǵa jýyq zańsyz is-áreket jasaldy, al zańsyz ákelingen 2 myńnan astam avtokólik esepke qoıyldy.

Qylmystar Astana, Shymkent qalalarynda, Aqmola, Qostanaı jáne Jambyl oblystarynda jasaldy. 13 adam qylmystyq jaýapkershilikke tartyldy.

Elordada kózdelgen alymdar men tólemderdi tólemeı, shetelden ákelingen avtokólikterdi tirkeý esebine zańsyz qoıýmen aınalysatyn Arnaıy HQKO qyzmetkerleri men azamattyq tulǵalardan turatyn uıymdasqan qylmystyq toptyń qyzmeti toqtatyldy.

Qylmystyq top azamattardy sheteldik avtokólikterdi esepke qoıýdyń zańdylyǵyna qatysty aldaý jolymen, olardyń aqshalaryn urlap, 500-ge jýyq kólik quralyn zańsyz tirkeýdi júzege asyrdy.

Bir kólik quralyn resimdeý avtokólik júrgizýshilerine 400 myńnan 1,6 mln teńgege deıin shyǵyn keltirdi.

Atalǵan adamdardyń qylmystyq is-áreketiniń nátıjesinde memleketke tólenbegen memlekettik bajdar men alymdar túrinde shamamen 1 mlrd teńge somasyna zalal keltirildi.

Tergeý sotynyń sanktsııasymen qylmystyq toptyń 9 qatysýshysy, onyń ishinde elordalyq Arnaıy HQKO basshysy qamaýǵa alyndy.

Sotqa deıingi tergeý jalǵasýda.

Aǵymdaǵy jyldyń 7 aqpanynda qylmystyq ister jáne Arnaıy HQKO qyzmetindegi sybaılas jemqorlyqqa qarsy monıtorıng nátıjeleri Agenttik Tóraǵasynyń orynbasary Ashat Jumaǵalı bastaǵan keńeıtilgen keńeste talqylandy.

Sybaılas jemqorlyqqa qarsy is-qımyl jónindegi Qoǵamdyq keńestiń tóraǵasy Marat Bashımov, Іshki ister mınıstrliginiń, Tsıfrlyq damý, ınnovatsııalar jáne aeroǵarysh ónerkásibi mınıstrliginiń ókilderi, «Azamattarǵa arnalǵan úkimettiń memlekettik korporatsııasy» KEAQ basshylyǵy, qoǵam qaıratkerleri, Agenttiktiń aýmaqtyq departamentteriniń basshylary qatysty.

Syndarly dıalog ótip, júrgizýshi kýálikterin zańsyz alý, sheteldik avtokólikterdi esepke qoıý boıynsha qolda bar qylmystyq shemalar jarııalandy, sondaı-aq olardy joıý jónindegi sharalar talqylandy.

Ýákiletti organdarǵa Agenttiktiń osy saladaǵy jemqorlyq táýekelderin boldyrmaý jónindegi usynymdary jetkizildi.

Atap aıtqanda, aqparattyq júıelerdi qorǵaýdy qamtamasyz etý, ІІM óńirlik bólimsheleriniń avtomobılderdiń tirkeý derekterin túzetý fýnktsııasyn boldyrmaý qajettigi kórsetilgen.

Normatıvtik quqyqtyq aktilerde, onyń ishinde emtıhan komıssııasynyń jumysyn, shetelden ákelingen avtomobılderdi tirkeýdi jáne osy saladaǵy basqa da máselelerdi retteıtin olqylyqtardy joıý usynylady.

Sondaı-aq, kólik quraldaryn qaıta tirkeý kezinde olardyń «VIN-kodyn» tekserýdi qaıtarý týraly máseleni qarastyrý usynyldy.

Jalpy, keńes qorytyndysy boıynsha ýákiletti organdarmen birlesip, qoǵam qaıratkerleriniń pikirlerin eskere otyryp, Arnaıy HQKO qyzmetinde jemqorlyqty joıý boıynsha sharalar kesheni ázirlendi.

Agenttiktiń aýmaqtyq departamentteriniń basshylaryna osy jumysty jergilikti deńgeıde úılestirýdi júzege asyrý tapsyryldy.