Elordada sheteldik aspaz ózi jumys isteıtin dámhananyń termınalyn tonaǵan

NUR-SULTAN. QazAqparat – Nur-Sultan qalasy polıtsııa departamentiniń krımınaldyq polıtsııa qyzmetkerleri urlyq jasady degen kúdikpen Ózbekstan Respýblıkasynyń 46 jastaǵy azamatyn ustady, dep habarlaıdy QazAqparat tilshisi.

Polıtsııa departamentiniń habarlaýynsha, kúdikti urlyq jasalǵan dámhanada aspaz bolyp jumys istegen.

«Tergeý barysynda kúdiktiniń buryn dámhanada aspaz bolyp jumys istegeni, sondyqtan táýliktiń kez kelgen ýaqytynda ǵımaratqa kedergisiz kire alatyny belgili boldy. Osy jaǵdaıdy paıdalanyp, ol tańǵy saǵat 05.30-da ol dámhanaǵa kirip, Lotomatık termınalyn talqandaǵan. Bogarka quralynyń kómegimen termınaldyń artqy jaǵyn kesip, ishindegi 270 myń teńgeni alǵannan keıin aqshan demalys bólmesine tyǵyp, jumysqa kirisedi. Tańerteń dámhana ıesi aqtarylyp jatqan termınaldy kórip, ıesi polıtsııaǵa júgindgen», - ep jazady departamenttiń baspasóz qyzmeti.

«Baıqońyr» aýdanynyń saqshylary kúdikti ustap, urlanǵan aqsha tárkilengen.

«Atalǵan fakti boıynsha qylmystyq is qozǵalyp, ustalǵan adamnyń osyǵan uqsas buryn jasalǵan qylmystarǵa qatysy bar-joǵy anyqtalýda. Kúdikti ýaqytsha ustaý ızolıatoryna qamaýǵa alyndy», - dep jazylǵan resmı málimette.