Elordada shetelde turatyn otandastarymyzdyń halyqaralyq óner festıvali ashyldy
ASTANA. QazAqparat - Astanadaǵy Qazaq ulttyq óner ýnıversıtetiniń ǵımaratynda QR Mádenıet jáne sport mınıstrliginiń uıymdastyrýymen shet elderde turatyn otandastarymyzdyń halyqaralyq óner festıvaliniń ashylý rásimi ótkizildi, dep habarlady mınıstrliktiń baspasóz qyzmeti.
Shetelde turatyn otandastarymyzben mádenıet jáne rýhanııat, sondaı-aq bilim salalaryndaǵy baılanysty damytý men olardyń ulttyq áleýetin arttyrýdy maqsat etip qoıǵan sharaǵa QR Parlament Májilisiniń depýtattary, shyǵarmashylyq ıntellıgentsııa ókilderi, óner áýesqoılary men 20-dan asa alys jáne jaqyn shet elderden kelgen qazaq dıasporalarynyń ókilderi qatysty.
Shara aıasynda «Bir maqsat, bir múdde, bir bolashaq» atty aqyndar músháırasy, termeshiler saıysy jáne sýretshiler kórmesi jáne ózge elderden kelgen qandastarymyzǵa Elordanyń eń kórikti jerlerin kórsetýge baǵyttalǵan saıahat uıymdastyryldy.
Festıvaldiń saltanatty ashylýynda Halyqaralyq festıvalǵa qatysýshylarǵa arnap QR Mádenıet jáne sport vıtse-mınıstri M. Ázilhanov, fılologııa ǵylymdarynyń doktory, professor M. Joldasbekov, QR Parlamenti Májilisiniń depýtaty O. Asanǵazyqyzy, Eýropa qazaqtary qaýymdastyǵynyń tóraǵasy Kaıým Kesedjı jáne t.b. óz quttyqtaýlaryn jetkizdi. Baıqaý qorytyndylary boıynsha jeńimpazdar dıplom, alǵyshattar jáne aqshalaı syılyqtarmen marapattalyp, festıval merekelik gala-kontsertpen aıaqtalatyn bolady.
