Elordada shetelde turatyn qazaqstandyq sýretshilerdiń kórmesi ótedi
ASTANA. QazAqparat - Astana bir aı boıy qazirgi zamanǵy óner ortalyǵyna aınalady. 15 qyrkúıek pen 28 qazan kúnderi bas qalada «Astana Art Show» kórmesi ótedi, dep habarlaıdy QazAqparat tilshisi Astana Konvenshn bıýrosynyń resmı saıtyna silteme jasaı otyryp.
«Astana Art Show» - Qazaqstandaǵy qazirgi zamanǵy beıneleý óneriniń halyqaralyq Bıennale ispettes negizgi sharasy. Kórmege jumystary sátti dep tabylǵan jáne shetelde tanymal bolǵan qazaqstandyq jas sýretshiler qatysady.
Bıennale aıasynda jas sýretshiler baıqaýy, tanymal sýretshilerdiń ashyq dáristeri men sheberlik-sabaqtary ótedi.
Sonymen qatar, halyqaralyq iri kórmelerge qatysqan 20-dan astam qatysýshy óz jumystary men arnaıy qurylǵan shoý baǵdarlamalaryn usynady.
Odan bólek, kelýshiler «TSE Art Destination» galereıasynda sýretter men ınstallıatsııalardy tamashalaı alady.
Kórmege qatysýshylar arasynda tanymal zamanýı óner sheberi, belgili «Men Oblomov» avtoportretiniń avtory, japondyq fotograf Ikýrý Kývadjıma bar.
Sondaı-aq, Londonda tanymal bolǵan qazaqstandyq sýretshi Aza Shadenova elordanyń kórkemóner áýesqoılarynyń nazaryna óz jumysyn usynatyn bolady. Al jas sýretshi Ádil Áýbákirov Astana turǵyndary men qonaqtaryn qala ǵımarattarynyń biriniń qasbetinde salynatyn avtorlyq jańa art-nysanymen qýantatyn bolady.
«Astana Art Show» kórmesiniń saltanatty ashylýyna arnaıy qonaq retinde álemdik deńgeıdegi belgili aýstrııalyq mýzykant Bendjamın Skepper qatysady.
Aıta keteıik, Bıennale - eki jylda bir ótetin kórkemóner kórmesi, festıvali ne bolmasa shyǵarmashylyq baıqaý.
