Elordada «Sheber-2010» 2-shi ulttyq baıqaýynyń jeńimpazdary marapattaldy
STANA. Maýsymnyń 18-i. QazAqparat /Marlan Jıembaı/ - Búgin elordadǵy Prezıdenttik mádenıet ortalyǵynda «Sheber-2010» 2-shi ulttyq qolóner sheberleri baıqaýynyń jeńimpazdaryn marapattaý rásimi ótti.
«Bizdiń sheberlerdiń ónerleri óte jaqsy, alaıda kóp jaǵdaıda olar naryqqa ózderiniń jumystaryn shyǵar amaıdy. Sondyqtan qazaq sheberlerine, birinshiden jumystaryn jaqsy jaǵynan kórsetýge bilýge jáne kádesyılyq zattardy jasaýǵa aqyl-keńes berdik», deıdi atalǵan sharany basty uıymdastyrýshy «Shevron» korporatsııasynyń Qazaqstandaǵy ókildiginiń basshysy Zaıra Qanapııanova.
Elimizdegi qolóner óndirisin damytý, daryndy jáne bolashaǵy zor qolónershilerdi tabý, sonymen qatar qoǵamǵa elimizdiń qolóner buıymdary óndirisiniń jetistikteri men múmkinshilikterin pash etý maqsatynda osymen ekinshi ret ótkizilip otyrǵan baıqaý barysynda jeńimpazdar «Daryndy bastaý», «Asyl ustaz», «Joǵarǵy sapa», «Jańashyldyq», «Tóltýmalyq», «Ozat isker» atalymdary boıynsha anyqtaldy. Quramynda ónertanýshylar, QR Mádenıet mınıstrliginiń, «Shevron» kompanııasynyń, Ortalyq Azııadaǵy Eýrazııa qorynyń ókilderi bar qazylar alqasy baıqaýǵa qatysqan 105 jumystyń ishinen 10 úzdik jumysty jeńimpaz dep tanydy.
«Ótken jylmen salystyrǵynda birqatar ózgerister bar. Alaıda qatysýshylardyń sany ózgermegenimen, olardyń usynǵan jumystarynyń sapasy ózgergen. Aǵymdaǵy jyly qazylar alqasy 6 atalym boıynsha jeńimpazdy anyqtaýy kerek bolatyn, alaıda qatysýshylardyń jumystarynyń tań qaldyrǵany sonshalyqty, 10 jeńimpazdy anyqtaýǵa týra keldi», deıdi «Our Heritage» qoǵamdyq qorynyń prezıdenti Aıjan Bekqulova.
