Elordada shaı tarıhynan syr shertetin kórme ashyldy (FOTO)
ASTANA. QazAqparat - 6 shildede Qazaqstan Respýblıkasy Ulttyq mýzeıinde «Chitra by Newby kollektsııasynan» atty kórmeniń ashylýy ótti, dep habarlaıdy murajaıdyń baspasóz qyzmetinen.
Kórme Astana kúnine jáne Ulttyq mýzeıdiń 1 jyldyǵyna oraı uıymdastyryldy.
Kórmeni Qazaqstan Respýblıkasynyń Mádenıet jáne sport mınıstrligi, brıtandyq kommertsııalyq emes N.Sethia Foundation qaıyrymdylyq qory jáne Qazaqstan Respýblıkasynyń Ulttyq mýzeıi uıymdastyrdy.
«Prezıdentterińizdiń týǵan kúni qutty bolsyn, jaratqan Elbasylaryńyzǵa uzaq ǵumyr men myqty densaýlyq bersin! Sizderdi Ulttyq mýzeıdiń 1 jyldyǵymen de quttyqtaımyn. Bul mýzeıdiń dańqy jyldan-jylǵa arta beredi dep úmittenemin. Sizderdiń mýzeılerińizdiń álem mýzeıleriniń ondyǵyna kiretinin estigen kezde tań qaldym jáne qatty qýandym. Munda dúnıejúziniń eń úzdik kollektsııalaryn uıalmaı kórsetýge bolady», - dedi kórmeniń ashylýynda Chitra by Newby kollektsııasyn jınaqtaýshy - N.Sethia Groupof Companies jáne N. Sethia Foundation qaıyrymdylyq qorynyń tóraǵasy Nırmal Kýmar Sethııa.
Londonda ornalasqan Chitra by Newby kollektsııasy - bul shaı tarıhymen baılanysty jalǵyz jeke antıkvarıattar toptamasy. Kollektsııa quramynda Eýropa, Azııa jáne Amerıkada jasalǵan qoldanbaly óner týyndylarynyń 1500-den astam sırek jáne ǵajap úlgileri bar.
Kollektsııa myń jyldyq ýaqyt aralyǵyn qamtıdy, munda Sýn dınastııasy (H-HIII ǵǵ.) kezindegi pıalalar men satsýmalyq keremet farfor sháınekterden bastap vıktorıandyq dáýirdegi saltanatty shaı ydystary men HHI ǵasyrda jasalǵan sándi aksessýarlarǵa deıin qoıylǵan.
Atap aıtqanda, Qytaıdyń Mın dáýirine (1368-1644) jatatyn kókala farfordan jasalǵan, kúmispen bezendirilgen «kraak» stılindegi sháınek, ashyq teńiz tolqyny tústes nefrıtten jasalǵan, aıdahar beınelengen pıala, Qytaıdyń Kansı dáýirine (1662-1722) jatatyn altynmen bezendirilgen farfor sháınek, borokko stılinde Nıderlandyda jasalǵan sháınek (1700), altynmen bezendirilgen, gelıotroptan jasalǵan sháınek, altyn jalatylǵan kúmis sháınek pen shaı tabaq jáne t.b. kópshilik nazaryna usynylǵan.
«Chitra by Newby kollektsııasynan» kórmesi Astana turǵyndary men qonaqtaryn erekshe qundy jádigerlermen tanystyryp, shaı ishý mádenıetinde qalyptasqan dástúrler týraly jáne osynaý kóne sýsynnyń tarıhynan habardar etti.
