Elordada shaǵyn jınaqy mektepterdiń máselesi jóninde respýblıkalyq semınar-keńes ótýde

dep habarlaıdy QazAqparat tilshisi.

 Keńeske  Parlament depýtattary, shetel sarapshylary, múddeli mınıstrlikter men vedomstvolardyń ókilderi, pedagogıkalyq ınstıtýttarynyń rektorlary, bilim basqarmalary men uıymdarynyń jetekshileri, ustazdar qatysýda. Sektsııalyq basqosýlar barysynda qazirgi zamanǵy shaǵyn jınaqy mektepterdiń damý keleshegi, ustazdardy daıyndaý mindeti, pedagogıkalyq kadrlardyń biliktiligin arttyrý, oqý-ádistemelik qamtamasyz etý jáne taǵy basqa jaıttar talqylanbaq.

 «Búgingi bizdiń jıynymyz qordalanyp qalǵan kúrdeli problemalarǵa arnalyp otyr. Bul  óte mańyzdy másele Qazaqstanǵa ǵana emes, sondaı-aq dúnıejúzindegi kóptegen memleketterge de ortaq. Shaǵyn jınaqy mektepter - memlekettiń, halyqtyń, jas urpaqtyń bolashaǵyna qyzmet etýde. Bul mektepterdiń máselesi barynsha kóńil bólip, jan-jaqty zerdeleýdi qajet etedi. Eń aldymen, bizdiń aldymyzda sapaly bilim berý qyzmetin usyný jáne Elbasy maquldaǵan áleýmettik jobalardy iske asyrý úshin qolaıly jaǵdaıdy jasaýmen baılanysty mindetter tur»,  dedi respýblıkalyq semınar- keńestiń ashylýynda  Bilim jáne ǵylym mınıstri Janseıit Túımebaev.