Elordada shaǵyn qarjy uıymyn tonamaq bolǵan kúdikti «QR-code» arqyly ustalyp qaldy
Nur-Sultan qalalyq Polıtsııa departamentiniń málimetinshe, kúndiz medıtsınalyq maska kıgen 34 jastaǵy azamat qaladaǵy shaǵyn qarjy uıymdarynyń birine tutynýshy retinde kelgen. Kabınette tek qana kassır qyzdyń otyrǵanyn kórgen ol ony qylqyndyryp, aqsha talap etken. Alaıda, kassır der ýaqytynda dabyl túımesin basyp, qaskúnem boı tasalaýǵa májbúr bolǵan.
«Jedel izdestirý is-sharasy barysynda polıtsııa qyzmetkerleri kúdiktiniń júrgen jolyn anyqtady. Er adam qylmys jasaǵannan keıin aıaldamaǵa baryp, qoǵamdyq avtobýsqa otyrǵan. Qoǵamdyq kólikte ol tólemdi QR-code» arqyly jasaǵan. Sonyń arqasynda onyń aty-jóni anyqtalyp otyr. Qaskúnem bet-júzin maskamen jáne kúlaparamen tumshalaǵanymen polıtseıler onyń turǵylyqty jerin anyqtap qolǵa túsirdi», - dep atap ótedi vedomstvodan.
Departament málimetinshe, qazirgi ýaqytta atalǵan fakti boıynsha qylmystyq is qozǵaldy. Kúdiktiniń elordada aýmaǵynda jasalǵan dál osyndaı ózge de qylmystarǵa qatysy tekserilip jatyr.