Elordada shaǵyn aınalma jol salynady

ASTANA. QazAqparat - Búgin Astana qalasy máslıhatynyń 41-shi kezekten tys sessııasynda qalalyq bıýdjet, elorda aýmaǵyna qurylys salý erejeleri men memlekettik qajettilik úshin jer ýchaskelerin satyp alý, muqtaj azamattardyń jekelegen sanattaryna áleýmettik kómek kórsetý máseleleri talqylandy, dep habarlanǵan elorda ákimdiginiń resmı saıtynda.

Astana qalalyq máslıhatynyń zańdylyq, quqyq tártibi jáne qoǵamdyq jumys máseleleri jónindegi turaqty komıssııasynyń tóraǵasy Nıkolaı Meşerıakov memlekettik qajettilik úshin jerlerdi alýmen baılanysty jer ýchaskelerin jáne basqa da jyljymaıtyn múlikti satyp alý barysy týraly baıandama jasady. Onyń aıtýynsha, qazirgi kezde menshik ıelerimen 39 kelisim jasaldy, barlyq qajetti kelisý protsedýralary júrgizildi.

Alynatyn jerlerdiń paıdalanylý maqsatyna toqtalǵan N.Meşerıakov: «Bul ýchaskeler (Beısekov kóshesiniń ýchaskesi) shaǵyn aınalma jol, Baıtursynov, Mırzoıan jáne №42 kóshelerinde jańa mektepter salý úshin alynady»,- dedi ol.

Baıandamany tyńdaǵan soń depýtattar atalǵan jobany júzege asyrýdy biraýyzdan qoldady.