Elordada «Shabyt-2026» shyǵarmashyl jastar baıqaýyna ótinim qabyldaý bastaldy

Bıyl «Shabyt-2026» shyǵarmashyl jastar baıqaýy aıasynda alǵash ret «Astanaǵa arnaý» arnaıy baǵyty engizildi. Bul baǵyt elordamyzǵa, onyń tarıhyna, búgingi kelbeti men bolashaǵyna arnalǵan shyǵarmalardy qoldaýǵa baǵyttalǵan.

Astanaǵa arnalǵan ánniń avtory nemese elordanyń rýhyn, kórkin jáne jarqyn bolashaǵyn jyrlaıtyn jańa týyndy jazǵan kez kelgen talant ıesi «Astana týraly ánder» nomınatsııasy boıynsha baıqaýǵa qatysa alady.

Baıqaýǵa qatysý úshin resmı saıty arqyly onlaın ótinim berip, óz shyǵarmasyn joldaýy qajet.

Bul – shyǵarmashylyq talantyńyzdy keń aýdıtorııaǵa tanytyp qana qoımaı, Astanaǵa arnalǵan jańa mýzykalyq týyndynyń dúnıege kelýine úles qosatyn erekshe múmkindik. Bálkim, dál sizdiń shyǵarmańyz erteń elordanyń jańa ánuranyna, jańa mýzykalyq sımvolyna aınalar.

Ótinim qabyldaý bastaldy. Baıqaýǵa qatysý talaptary men erejelerimen joǵaryda kórsetilgen resmı saıttan tanysyp, ótinim onlaın joldaýǵa bolady.

Aıta ketelik elordada «Taza Qazaqstan — Taza Astana» baıqaýynyń jeńimpazdary marapattalǵan edi.