Elordada shahardy energııamen jabdyqtaý júıesi jańǵyrtylyp jatyr
ASTANA. KAZINFORM – Astana qalasynyń energııamen jabdyqtaý júıesinde eskirgen nysandar az emes. Saldarynan keıde apattyq jaǵdaılar tirkelip jatady. Bul rette, «Astana-AEK» AQ basshylyǵy ınvestıtsııalyq baǵdarlama arqyly jańǵyrtý jumystaryn jalǵastyryp jatyr.
Bul baǵyttaǵy jumystardyń ashyqtyǵyn qamtamasyz etý jáne onyń tıimdiligin baǵalaý úshin QR Ulttyq ekonomıka mınıstrligi Tabıǵı monopolııalardy retteý komıtetiniń Astana qalasy boıynsha departamenti mamandary, qoǵam belsendileri «Astana-AEK» AQ obektilerin tekserip shyqty.
«Astana-AEK» AQ
Basqarma tóraǵasynyń damý jónindegi orynbasary Baýyrjan Amanbekov «Astana-AEK» AQ jalpy quny 24,5 mlrd teńge bolatyn 2021-2025 jyldarǵa arnalǵan ınvestıtsııalyq baǵdarlama aıasynda elordanyń energojúıesin jaqsartý jáne jańǵyrtý boıynsha belsendi jumys atqaryp jatqanyn jetkizdi.
«2023 jyly 4,6 mlrd teńge ıgerilip, jańǵyrtý jumystary sátti aıaqtaldy. Al, 2024 jylǵa 6,3 mlrd teńge bólinip otyr. Jumystyń sapasy — basty nazarda»,- dedi ol.
Investbaǵdarlama jelilerdiń tozýyn azaıtyp, tehnologııalyq buzýshylyqtardy tómendetpek. Sondaı-aq, elektr energııasynyń normatıvtik shyǵyndary 10,7%-dan 9,8% - ǵa deıin qysqartylmaq.
