Elordada Serjan Bashırovtyń 100-ge jýyq zergerlik buıymy kórmege qoıylady
ASTANA. QazAqparat - Astana qalasynyń Qazirgi zamanǵy óner murajaıynda 18 naýryzda belgili sýretshi, zerger, pedagog, Qazaqstan sýretshileri odaǵynyń múshesi, «ıÝNESKO sapa belgisi» sertıfıkatynyń ıegeri Serjan Bashırovtyń «Báısheshek» atty jeke kórmesiniń vernısajy ótedi. Bul týraly astana.kz saıtyna murajaıdyń baspasóz qyzmetinen habarlady.
Kórmege 2000-2014 jyldary jasalǵan 100-ge jýyq zergerlik buıym, shaǵyn músin men ınstallıatsııa qoıylady.
«Bashırovtyń árbir týyndysy kóshpendilerdiń ómirine arnalǵan. Sheberdiń óz qolymen jasalǵan asyl tastarmen jáne totemdermen áshekeılengen biregeı kúmis saqınalary men bilezikter, túrli tumarlar men boıtumarlar, ol úshin buıymdar kózdi qýantyp turýy asa mańyzdy. Bul áshekeılerge shyǵys ekzotıkasyn ańsaǵan sheteldikter de, túrli jastaǵy qazaqstandyqtar da qyzyǵýshylyq tanytady»,- dep habarlaıdy murajaıdyń baspasóz qyzmeti.
S.Bashırovtyń eńbekteri Almaty, Astana, Óskemen jáne Semeı qalalaryndaǵy murajaılarda kópshiliktiń nazaryna usynylǵan. Budan basqa, Shyǵys halqy murajaıynda (Máskeý), Azııa jáne Tynyq muhıt murajaıynda (Varshava) jáne Shtýtgarttaǵy etnografııalyq Lınden-murajaıda (Germanııa) da qoıylǵan.
Serjan Bashırovtyń «Báısheshek» atty jeke kórmesi Astana qalasynyń Qazirgi zamanǵy óner murajaıynda 2014 jylǵy 18 naýryzdan 7 sáýirge deıin ótedi.
