Elordada serýendeımin dep shyǵyp, joǵalyp ketken 92 jastaǵy aqsaqal tabyldy
NUR-SULTAN. QazAqparat - Elordada serýenge shyǵyp, adasyp ketken 92 jastaǵy qarııa tabyldy, dep habarlaıdy QazAqparat Polisia.kz saıtyna silteme jasap.
Búgin saǵat 10.25 kezinde polıtsııaǵa qala turǵyny habarlasyp, ákesiniń taza aýa jutýǵa aýlaǵa shyǵyp, úıge qaıta oralmaǵanyn aıtqan. Aqsaqaldy izdeýge departamenttiń jeke quramy men volonterler jumyldyryldy.
Keshki saǵat 20.20 shamasynda Ýálıhanov-Kenesary kósheleriniń qıylysynda kólikte ketip bara jatqan erli-zaıyptylar qarııany baıqap qalǵan. Olar buǵan deıin Instagram jelisinen adam joǵalǵany týraly habarlandyrýdy oqyǵan bolatyn. Jas jubaılar tez arada kórsetilgen telefon nómirine habarlasqan.
Polıtseıler kómegimen ataı aman-esen tabylyp, týystarynyń qolyna tapsyryldy.
Elorda polıtseıleri únsiz qalmaı, aqsaqaldy tabýǵa kómek kórsetken búkil astanalyqtarǵa alǵys aıtady.
