Elordada «Sergek» júıesi 1 mln-nan astam jol erejesin buzýdy anyqtaǵan
NUR-SULTAN. QazAqparat - Elordanyń 400 kóshe qıylysy men 300 jelilik ýchaskesine «Sergek» kamerasy qoıylǵan. Bul týraly Ortalyq kommýnıkatsııadar qyzmetinde ótken brıfıngte aıtyldy, dep habarlaıdy QazAqparat tilshisi.
«2017 jyly elordada ІT jáne qaýipsizdik salasyndaǵy alǵashqy »Sergek« memlekettik-jekeshelik áriptestik jobasy bastaldy. Búgingi tańda 400 kóshe qıylysy men 300 jelilik ýchaskege jol qozǵalysy erejesi men logıstıkany baqylaýǵa baǵyttalǵan 6 118 beınekamera ornatyldy», - deıdi Nur-Sultan qalalyq ІІD Ákimshilik polıtsııa basqarma basshysy Eljan Shúpekov.
Sondaı-aq, ol beınebaqylaý júıesimen qansha jol qozǵalysynyń erejesi buzylǵany anyqtalǵanyn aıtty.
«2019 jyldyń basynan beri 1 000 219 buzýshylyq anyqtalǵan. Ereje buzý týraly habardamany jetkizý Polıtsııa departamenti jáne »Qazposhta« AO-men kelisimshartqa otyrý arqyly qarastyrylǵan. Sondaı-aq, habarlamany SMS-habarlama arqyly jetkizemiz», - dedi ol.
