Elordada «Sergek» jobasynyń 50 ekodatchıgi aýanyń tazalyǵyn ólsheıdi
NUR-SULTAN. QazAqparat - «Sergek» jobasynyń quramyna Nur-Sultan qalasynda aýa sapasyn ólsheýge arnalǵan 50 ekodatchık kiredi, dep habarlaıdy QazAqparat qala ákiminiń orynbasary Málıka Bekturovaǵa silteme jasap.
«Sergek» jobasynyń quramyna Nur-Sultan qalasynda aýa sapasyn ólsheýge arnalǵan derbes qurylǵy - 50 ekodatchık kiretinin biri bilse, biri bile bermeıdi. Olar ólsheıtin negizgi kórsetkish-aýadaǵy usaq dıspersti bólshekter sany. Bul shańnyń, tozańnyń, aerozoldardyń, kúıeniń usaq bólshekteri, olar aǵzaǵa ókpeden enip, adam densaýlyǵyna aıtarlyqtaı zııan keltiredi», dep jazdy Málıka Bekturova Telegram-daǵy paraqshasnyda.
Elordada atalǵan málimetter qalanyń ár bóliginde ornatylǵan 50 datchıkten jınalady, olar kómirqyshqyl gazynyń temperatýrasyn, ylǵaldylyǵyn jáne ustaý deńgeıin belgileıdi.
«Olar aýanyń jaı-kúıin qadaǵalaýǵa jáne lastaný kózderin aımaqtarǵa bólýge múmkindik beredi. Datchık kórsetkishteri mınýtyna birneshe ret kelip túsedi. Osy málimetterdi opendata.kz saıtynan kórýge bolady. Jaqyn arada bul aqparat qala turǵyndary úshin Smart Astana qosymshasynda qoljetimdi bolady», delingen habarlamada.
