Elordada «Sergek» kameralary arqyly 56 myńnan astam ereje buzý faktisi tirkeldi

NUR-SULTAN. QazAqparat – «Sergek» kameralary arqyly 56 myńnan astam ereje buzý faktisi tirkeldi. Bul týraly elordalyq Polıtsııa departamenti Ákimshilik polıtsııa basqarmasynyń basshysy Eljan Chýpekov aıtty, dep habarlaıdy QazAqparat tilshisi.

«Elordada «Sergek» kameralary arqyly 56 myńnan astam ereje buzý oqıǵasy tirkeldi. Onyń ishinde jol belgilerin elemeý boıynsha 10 myń, jyldamdyqty asyrýǵa qatysty 40 myń ereje buzý faktisi bar. Sonymen qatar júk kólikteri tarapynan 6 980 kólik qozǵalysy erejesin buzý faktileri anyqtaldy», - dedi E. Chýpekov bıylǵy úsh aıdyń qorytyndysy boıynsha ótken baspasóz máslıhatynda.

Onyń aıtýynsha, jyl basynan beri polıtsııa qyzmetkerleri júrgizýshiler tarapynan jol berilgen 28 myńǵa jýyq ereje buzý jaǵdaıyn anyqtady.

Budan buryn habarlanǵandaı, 2022 jyldyń 3 aıynda qala joldarynda 113 jol-kólik oqıǵasy tirkeldi. JKO saldarynan 121 adam jaraqat alyp, eki adam qaza tapty.