Elordada senbilik kezinde 3 myńnan astam tal egiledi
NUR-SULTAN. QazAqparat - Elordadada apta sońyndaǵy senbilik kezinde 3 myńnan astam tal egiledi, dep habarlaıdy QazAqparat. Bul týraly qala ákimi Baqyt Sultanov Feısbýktegi paraqshasynda málim etti.
«Tańerteń bastap qalany araladym. Kúnniń sýytýyna qaramastan qaladaǵy retke keltirý jumystary jalǵasýda. Bıylǵy kóktemde Nur-Sultanda 13 myńǵa jaýyq aǵash pen tal egiledi degen sheshim qabyldandy. Kóshet otyrǵyzý jumystaryn kommýnaldyq qyzmet bastap ketti», - dep jazdy Baqyt Sultanov.
Onyń aıtýynsha, kóptegen qala turǵyndary ózderine jer berilýin suraıdy, olar óz baqtaryna tal egýdi qalaıdy. Qaladaǵy aýdandar ákimdikteri suranys bergenderdiń bárine aǵash otyrǵyzylatyn jer anyqtalatynyn, tipti tal egiletin shuńqyrda qazylyp beriletinin aıtýda.
«Bizdiń josparymyz boıynsha aldaǵy senbi-jeksenbide qalada 3 myńnan astam kóshet egiledi. Demalys kúnderi alǵashqy qalalyq senbilikte elordada jańa jasyl alqaptar paıda bolady.
Barlyq qala turǵyndaryn 20-21 sáýirdegi senbilikke qatysýǵa shaqyramyn, jalpyqalalyq senbilikke úlgermegender úshin 11 mamyrda atsalysa alady», - dedi Baqyt Sultanov.
