Elordada semserlesýden halyqaralyq týrnır ótýde
ASTANA. 6 jeltoqsan. QazAqparat - Semserlesýden «Astana qylyshy» ІІІ halyqaralyq týrnıri jalaýyn kóterdi. Atalǵan doda 4-9 jeltoqsanda «Dáýlet» sport kombınatynda ótedi. Bul týraly qalalyq Týrızm, dene shynyqtyrý jáne sport basqarmasyna silteme jasap astana.kz habarlady.
Týrnırdiń bastapqy jarystaryna 70 sportshy qatysty. Qylyshtasýdan alǵashqy jeńimpazdar anyqtaldy. Jalpykomandalyq esepte áıelder arasynda Ońtústik Qazaqstan oblysynyń quramasy kósh bastady. Ekinshi orynda Almaty oblysy, úshinshi oryndy Qaraǵandy oblysy men Astana komandalary ózara bólisti. Erler arasynda Almaty oblysynyń quramasy úzdik atansa, OQO ekinshi, RKS-1 jáne Qaraǵandy oblysynyń quramalary úshinshi orynda.
Kelesi kezekte rapıramen saıysý ótedi. Al 8-9 jeltoqsanda semsermen saıysýdan jeńimpazdar anyqtalady.
Aıta keteıik, týrnır alǵash ret 2011 jyly ótkizilip, qazaqstandyq sportshylardyń -semser, qylysh jáne rapıra sheberleriniń qyzyǵýshylyǵyn týdyrdy. Jyl saıyn týrnırge qatysýshylardyń sany artyp keledi. Uıymdastyrýshylardyń aıtýynsha, búginde jarys keńinen tanymal. Dodaǵa qatysýshylardyń jalpy sany semserlesýshilerdiń kezdesýleri bastalǵanda belgili bolady.
