Elordada segizinshi velomaýsym bastalady
NUR-SULTAN. QazAqparat – Erteń elordada «Astana Bike» avtomattandyrylǵan velosıped jaldaý júıesi iske qosylady, dep habarlaıdy QazAqparat tilshisi.
City Transportation Systems kompanııasynyń málimetinshe, aýa raıynyń qolaıly bolýyna baılanysty qyzmetti 15 sáýirde, ıaǵnı ótken jylǵa qaraǵanda 1 aı erte iske qosý týraly sheshim qabyldanǵan. Sáýir aıynyń sońyna deıin paıdalanýshylarǵa 850 velosıped pen 154 velostansa qoljetimdi bolady. Aıta keterligi, velojabdyqtyń iske qosý-jóndeý jumystarynyń kólemi aýqymdy bolǵandyqtan bir mezgilde barlyq 154 velostansany iske qosýǵa múmkin emes. Sol sebepti jumys 3 kezeńde júrgiziledi.
Aldymen Esil aýdany boıynsha 400 velosıped jáne 62 velostansa, odan keıin 23 sáýirge deıin Saryarqa, Almaty jáne Baıqońyr aýdandary boıynsha qosymsha 300 velosıped jáne 48 velostansa paıdalanýǵa beriledi. Úshinshi kezeń 30 sáýirge deıin jalǵasady. Velostansalardyń ornalasqan jerin www.velobike.kz saıtynan kórýge bolady. Іske qosylǵan stansa kók túspen belgilenedi.
«Qazaqstanda alǵash ret velosherıng júıesi elordamyzda iske qosyldy. 2014 jyly «Astana Bike» velostansalar jelisiniń ashylý rásimi ótti. Búginde velosıped jaldaý júıesi úlken tanymaldylyqqa ıe. Jyl saıyn paıdalanýshylar sany artyp keledi. Búginde olardyń sany 14 myńnan astam adamǵa jetti. Velosıpedpen júrýdi unatatyndardyń sany odan ári artady dep úmittenemiz. Avtokólik pen qoǵamdyq kólikke balama retinde qala turǵyndaryna ekologııalyq taza kóliktiń osy túrin tańdaýǵa bolady. Aıta keteıik, velosıpedter men abonementterdi satyp alý 15 sáýirden saǵat 9:00-den bastap qoljetimdi», - dedi «City Transportation Systems» JShS-nyń basqarma tóraǵasy Bekmyrza Igenberdınov.
www.velobike.kz saıtynda júıede onlaın-tirkelý rásiminen keıin velosherıng qyzmetin paıdalanýǵa bolady. 16 jastan bastap qoldanýǵa ruqsat. Veloprokat abonementteri www.velobike.kz saıtynda jáne «City Transportation Systems» kassalarynda qoljetimdi. Velosıpedterdi jalǵa berý júıesi 24/7 rejıminde jumys isteıdi.
Tarıfter ózgerissiz. Standartty abonementter:
- aılyq abonement - 2 500 teńge;
- toqsandyq abonement - 6 000 teńge;
- maýsymdyq abonement - 10 000 teńge.
Jeńildikti abonementter:
- toqsandyq abonement - 3 000 teńge;
- maýsymdyq abonement - 5 000 teńge.
50 paıyzdyq jeńildik rastaıtyn qujattardy usynylǵan jaǵdaıda beriledi jáne tek toqsandyq jáne maýsymdyq abonementterge qoldanylady. 30 mınýtqa deıin velosıpedti shekteýsiz paıdalanýǵa bolady, bastysy - standartty abonement satyp alý. 30 mınýttan artyq jol júrý quny jalǵa alý ýaqytyna qaraı tólem bóligin esepke ala otyryp esepteledi:
– 0-den 30 mınýtqa deıin - abonement qunyna qosylǵan;
– 31-den 60-qa deıin - 100 teńge;
- 61-den 120-ǵa deıin - 250 teńge;
- 121-den 180-ge deıin - 500 teńge;
- 181-den bastap jáne ár kelesi saǵatqa - 1 000 teńge.
Táýliktik abonementter:
- 1 táýliktik abonement - 3 500 teńge;
- 3 táýliktik abonement - 9 000 teńge;
- 7 táýliktik abonement - 17 500 teńge.
Táýliktik abonementter elorda qonaqtary men sheteldik týrısterge arnalady. Táýliktik abonementterge qol jetkizý úshin www.velobike.kz saıtynda tirkelý qajet, jeke kabınette banktik kartanyń kómegimen abonenttik tólem jasalady. Sondaı-aq depozıttik kepil engiziledi – 37 500 teńge. Depozıt - velosıpedti stansaǵaǵa qaıtarýdyń kepili. Jaldaý aıaqtalǵannan keıin naqty júrý somasy esepten shyǵarylady jáne balansty shegerýdi eskere otyryp, kepildi onlaın-qaıtarý júzege asyrylady.
