Elordada Saılaýdy beıpartııalyq baıqaý ortalyǵy ashyldy
«Búgin Saılaýdy beıpartııalyq baıqaý ortalyǵy ashylǵandyǵy týraly jarııalamaqpyz. Bizdiń ortalyqqa alǵashqy baıqaýshylar kelip jatyr. Barsha álemde saılaý naýqany erekshe mańyzǵa ıe. Saılaý – ol daýys berýshiler tarapynan saılanyp, konstıtýtsııalyq quqyqty oryndaý. Bul óz kezeginde kez kelgen eldegi árbir azamattyq quqyǵy. Qoǵamdyq uıymdar únemi saılaý protsesin baıqaý is-sharalaryna qatysýǵa tyrysady», - dedi «Qazaqstannyń Azamattyq alıansynyń prezıdenti Baný Nurǵazıeva elordada ótken brıfıngide.
Osy oraıda ol ortalyqtyń mindetteri týraly da aıtty.
«Partııalar atynan baıqaýshylar, sondaı-aq ýchaskelik komıssııa músheleri bar. Al qoǵamdyq uıymdar atynan baratyn baıqaýshylardyń basty maqsaty – saılaýdyń qaı deńgeıde ótkenin qaraý. Olar tikeleı qatysýshy emes, ıaǵnı básekelestikke túspeıdi. Olar daýys berý naýqanyn baıqaýǵa keledi. Osy oraıda zań buzýshylyqtarǵa jol berilmeýin, halyqaralyq standarttar men Konstıtýtsııaǵa, zańnamaǵa saılaý protsesiniń sáıkes kelýi jaǵdaıyn qaraıdy. Osy talaptar qatań oryndalýy kerek», - dedi B. Nurǵazıeva.
Sondaı-aq Qazaqstannyń Azamattyq alıansynyń prezıdenti álemniń 90-ǵa jýyq elinen kelgen ulttyq saılaý baıqaýshylarynyń jahandyq jelisine 245 múshe uıymdar qol qoıǵan, qoǵamdyq uıymdardyń partııalyq emes baqylaýdyń jáne saılaýdy baqylaýdyń jahandyq qaǵıdalary deklaratsııasyna adaldyǵy týraly jetkizdi.
Onyń aıtýynsha, «Qazaqstannyń azamattyq alıansy», úkimettik emes uıymdardyń iri birlestigi retinde, ár túrli ÚEU-dyń kúsh-jigerin shoǵyrlandyrýǵa sheshim qabyldap, barlyq partııalyq emes baqylaýshylarmen yntymaqtastyqqa daıyn bolatyn ortalyq qurdy.
Bul ortalyq saılaý ýchaskelerin barynsha qamtý úshin álemdik standarttarǵa saı baqylaýshylardy daıyndaıdy.
Al Qazaqstan Respýblıkasy kásipodaqtar federatsııasy tóraǵasynyń orynbasary Nurlan Óteshev Qazaqstan kásipodaqtary federatsııasy baıqaýshylarynyń respýblıkalyq shtabynyń jumysy týraly aıtty.
«Biz buǵan deıin Kásipodaqtar federatsııasy baıqaýshylarynyń respýblıkalyq shtabynyń ekinshi otyrysyn ótkizdik, baqylaýshylar sanyn aımaqtar boıynsha naqtylaý, trenıngter ótkizý, baqylaýshylarymyzǵa materıaldar ázirleý sııaqty máselelerdi talqyladyq. KKF Respýblıkalyq shtabynyń birinshi otyrysynan bastap shamamen 6 myń baqylaýshynyń 2,5 myńǵa jýyǵy oqytýdan ótti», - dep málim etti ol.
Qoǵam qaıratkeri Aıgúl Soloveva bolsa, táýelsiz baqylaýshylar Hartııasynyń jobasy jáne josparlary týraly habardar etti.
«Hartııa EQYU qaǵıdattaryna jáne Demokratııalyq saılaý standarttary týraly konventsııaǵa negizdelgen. Jarǵyǵa kez kelgen qoǵamdyq birlestikter men azamattyq belsendiler qosyla alady», - dep málim etti ol.
Shaqyrylǵan sarapshylar - «Shyǵys-Batys» Halyqaralyq geosaıası boljaý ortalyǵynyń prezıdenti, saıasattaný ǵylymdarynyń doktory, professor Qarlyǵash Nuǵmanova, Dıplomatııa ınstıtýtynyń professory, t.ǵ.k. Taısııa Marmontova bul bastamalardy taldap, baǵalady.
Onlaın-formatta elimizdiń bedeldi saıasattanýshylarynyń biri, QR Prezıdenti janyndaǵy Qoǵamdyq senim ulttyq keńesiniń múshesi, «Alternatıva» zamanaýı zertteýler ortalyǵy «ÚEU dırektory Andreı Chebotarev óz pikirin bildirdi.
«Men Ortalyqtyń qurylýyn jáne osyndaı bastamany quptaımyn. Men saılaýdy partııalyq emes baqylaý jónindegi halyqaralyq qujattardy, BUU-nyń qoldaýymen qabyldanǵan saılaýdy beıpartııalyq baıqaýshylardyń qaǵıdattary men etıkalyq kodeksin oqydym. Sondyqtan sizdiń Ortalyǵyńyz táýelsiz baqylaý formattarynyń biri bolyp qana qoımaı, úlgi tutar halyqaralyq bastamany qolǵa aldyńyz», - dedi Andreı Chebotarev.
Aıta ketsek, brıfıngke Zoom platformasy arqyly Ortalyqtyń aımaqtyq baqylaýshylary, túrli ÚEU ókilderi jáne BAQ ókilderi qatysty.
