Elordada saılaý kúni týrıstik avtobýstar tegin júredi
NUR-SULTAN. QazAqparat - Elordada saılaý kúni týrıstik avtobýstarda ekskýrsııa tegin bolady, dep habarlaıdy QazAqparat qala ákimdiginiń saıtyna silteme jasap.
Jazǵy maýsymnyń ashylýyna baılanysty jáne 9 maýsymda saılaý kúnine oraı «Red Bus» ekskýrsııalyq avtobýstarynda sol jaǵalaý boıynsha tegin ekskýrsııa júrgiziledi. Ekskýrsııa «AiLand» (okeanarıým) kóńil-kóterý ortalyǵynan jáne «Báıterek» monýmentinen bastalady. Ekskýrsııa avtobýs ishindegi aýdıogıd kómegimen qazaqsha jáne oryssha júrgiziledi. Bir reıs - qazaqsha ótkizilse kelesisi orys tiline aýysyp otyrady.
Ekskýrsııany belgili bir tilde ǵana tyńdaǵysy keletinder ózderimen birge qulaqqap alyp kelýi kerek. Merekelik tegin serýen kezinde qulaqqaptar berilmeıdi.
«AiLand» aıaldamasynan qozǵalý ýaqyty: - saǵ. 10.00 (orys tilinde); - saǵ. 12.30 (qazaq tilinde); - saǵ. 14.45 (orys tilinde); - saǵ. 17.15 (qazaq tilinde); - saǵ. 19.30 (orys tilinde).
Ekskýrsııa «Han Shatyr» SOO, «Máńgilik El» trıýmfaldy qaqpasy, «Nur-Álem» sferasy, Ulttyq mýzeı, «Báıterek» monýmenti jáne«AiLand» (okeanarıým) kóńil-kóterý ortalyǵy aıaldamasy arqyly júrip ótedi.
«Astana Báıterek» monýmenti aıaldamasynan avtobýs tańerteńnen bastap júredi. Saǵat 10.30 (qazaq tilinde); - saǵ. 13.00 (orys tilinde); - saǵ. 15.15 (qazaq tilinde); - saǵ. 17.45 (orys tilinde); - saǵ. 20.00 (qazaq tilinde).
