Elordada Saıası qýǵyn-súrgin jáne asharshylyq qurbandaryn eske alýǵa arnalǵan sharalar ótip jatyr
ASTANA. 17 mamyr. QazAqparat - Astanada Saıası qýǵyn-súrgin jáne asharshylyq qurbandaryn eske alýǵa arnalǵan sharalar ótýde.
Osy oraıda búgin Táýelsizdik saraıynda L. N. Gýmılev atyndaǵy Eýrazııa ulttyq ýnıversıtetiniń tarıhshylary elordalyq jastarmen kezdesip, atalǵan náýbet jaıynda dárister oqyp jatyr.
Aıta keteıik, bul sharalar qazaq tarıhyndaǵy asharshylyqtyń 80 jyldyǵyn jáne jappaı qýǵyn-súrginniń sharyqtaý kezeńiniń 75 jyldyǵyna saı kelip otyr.
Dáristerdiń maqsaty jastarǵa qazaq tarıhyn tereń túsindirý jáne ony qurmetteý. Keńestik kezeńdegi asharshylyq jáne saıası qýǵyn-súrgin tarıhyna qatysty jańa derekterge negizdelgen oı-pikirlerdi ortaǵa salý, zerdeleý bolyp tabylady.
Astana ákimdigi Іshki saıasat basqarmasynyń málimetinshe, erteń de mektep oqýshylary men stýdentter úshin osyndaı dárister oqylatyn bolady. 22 mamyrda «Asharshylyq aqıqaty» atty kitaptyń tanystyrylymy ótedi. Al 24 mamyrda tarıhshylardyń qatysýymen ǵylymı-tájirıbelik konferentsııa uıymdastyrylmaq.
Jappaı asharshylyq pen sonyń saldarynan órshigen túrli aýrýlardan eki mıllıonnan astam qazaqstandyq qaza boldy. Budan bólek, qandastyrymyz bas saýǵalap shetelge údere kóshti.
