Elordada saıabaqtar salý qalaı josparlanady

Qalanyń tsıfrlyq bas jospary sııaqty tsıfrlyq jobalardy iske asyrý qala qurylysy protsesterin, belgili bir aýdandardy aýrýhana, mektep, balabaqshamen qamtamasyz etý qajettiligi týraly derekterdi boljaýǵa jáne modeldeýge, qoldanystaǵy jáne jobalanǵan jol jelisiniń jaı-kúıin kórýge múmkindik beredi. Tsıfrlandyrý qalany, onyń ishinde saıabaq aýmaqtaryn salý boıynsha sheshimder qabyldaýdyń ashyqtyǵyna qalaı yqpal etetini týraly qalanyń Sáýlet, qala qurylysy jáne jer qatynastary basqarmasynyń basshysy Nurlan Uranhaev aıtyp berdi

Bas jospardyń úsh ólshemdi maketin jasaý qalanyń jáne jekelegen obektilerdiń 3D gologrammasyn kórýge, tabıǵı, tehnogendik jaǵdaılardy jáne qalalyq ınfraqurylymnyń minez-qulqyn modeldeýge (káriz jarylystary, avarııalar, daýyldar jáne t.b.), qala qurylysynyń tyǵyzdyǵyn jobalaýǵa múmkindik beredi.

Sonymen qatar, qalany tsıfrlandyrýdyń arqasynda ınvestıtsııalyq karta qoljetimdi bolady – kásipkerler qaı aýdanda dárihana, dúken, notarıýs sekildi t.b. oryndardy ashýǵa bolatynyn kóre alady.

«Sáýlet salasyndaǵy barlyq memlekettik qyzmetter «elektrondyq úkimet« veb-portaly arqyly kórsetiledi. Osylaısha, kórsetiletin qyzmetti alýshynyń memlekettik organmen baılanysy alynyp tastaldy, bul memlekettik qyzmetter kórsetýdiń ashyqtyǵyn kórsetedi. Osylaısha, elektrondyq formatta kórsetilgen qyzmetterdiń jalpy kóleminiń 85,67%-y berildi», — dep atap ótti Nurlan Uranhaev.

Aıta ketý kerek, kez-kelgen qalany jobalaý kezinde kógaldandyrý normalary qoldanylady, olar qalanyń kólemine jáne klımattyq jaǵdaılaryna baılanysty saralanady. Osy talaptardy saqtaǵan kezde tyǵyz qurylys salý jáne qoǵamdyq keńistikter, saıabaq aýmaqtaryn salý úshin jetkilikti keńistik bólý múmkindigi joqqa shyǵarylady. Jalpy qalalyq parkter 10 sharshy metr/adam esebinen josparlanyp otyr.

«Nur-Sultanda jeti qalalyq saıabaqty velosıped jáne jaıaý júrginshi j

oldarymen biriktirip, jasyl kúretamyrǵa aınaldyrý josparlanýda. Sondaı-aq sý betindegi taqtaı jaǵalaýy, skeıt-saıabaq, kóshe kınoteatry, jańa qalalyq jaǵajaı, sport pavılondary jáne t.b. salynady. Jobada Esil ózeniniń boıynda uzyndyǵy 16 shaqyrymǵa jýyq jaıaý júrginshiler aımaǵy men velojol salý kózdelgen. Parkterdiń jalpy aýdany 360 gektardy quraıdy. Olardyń aýmaǵy, qala sııaqty, aýqymdy kógaldandyrylatyn bolady», — dep atap ótti basqarma basshysy.

Aıta ketý kerek, elordany damytý «Nur-Sultan — jaıly qala» josparyna engizilgen.