Elordada saýda ortalyǵynyń parkınginen qosýly turǵan maınıng jabdyǵy tabyldy

NUR-SULTAN. QazAqparat - Nur-Sultanda saýda ortalyǵynan tsıfrlyq krıptovalıýta óndirýge arnalǵan zańsyz maınıng jabdyǵy tabyldy, dep habarlaıdy QazAqparat.

Polıtsııa departamenti taratqan málimetke sáıkes kezekshige parkıng bólmesinde maınıngke arnalǵan jabdyq tabylǵany jóninde qońyraý túsken.

Jeldetý qubyrynyń betindegi bólmeni aralaý kezinde qosylyp turǵan 4 qurylǵy tabyldy.

Zańsyz jabdyqty saýda oıyn-saýyq ortalyǵynyń ınjeneri jeldetkish qoraptardaǵy kabeldik jelilerdi tekserý kezinde taýyp, basshylyqqa habarlady.

Qazirgi ýaqytta maınıng jabdyǵyn tabý faktisi boıynsha materıal tergeýge deıingi tekserý jáne protsessýaldy sheshim qabyldaý úshin ekonomıkalyq tergeý departamentine berildi.