Elordada Sarybulaq ózeniniń arnasy tazartyldy
NUR-SULTAN. QazAqparat - Nur-Sultan qalasynyń qorshaǵan ortany qorǵaý jáne tabıǵatty paıdalaný basqarmasynyń uıytqy bolýymen jalpy sany 67 adam Sarybulaq ózeniniń arnasyn, sý betin jáne jaǵalaý bóligin tazartý boıynsha ekologııalyq senbilik ótkizdi. Tazalaý jumystary júrgizilgen aýmaq 4,4 km qurady, dep habarlaıdy QazAqparat qala ákimdiginiń resmı saıtyna silteme jasap.
Senbilik barysynda qatysýshylar 4 ýchaskege bólindi. Birinshi top Yryskeldi qajy meshitinen Seıfýllın kóshesine deıin jumys istedi. Ekinshi top Seıfýllın kóshesinen Tilendıev kóshesine deıingi alańdy tazartty. Úshinshi top Myńaral kóshesine deıin, al tórtinshi top Myńaral kóshesinen Qarasaı batyr kóshesine deıin jáne t/j joldaryna deıin senbilik ótkizdi.
Ýchaskelerde túrli qoqystar men qatty turmystyq qaldyqtardy, onyń ishinde toqyma buıymdaryn, kıim-keshekterdi, matratstardy, kórpelerdi, jastyqtardy tazalaý; sý betin tazalaý, qulaǵan japyraqtar men aǵash butaqtaryn jınaý, baýraılarda artyq ósimdikterdi shabý jáne shabylǵan ósimdikterdi tyrmalaý boıynsha jumystar júrgizildi. Barlyǵy 5,58 tonna ósimdik qaldyqtary men QTQ jınaldy jáne shyǵaryldy.
Elorda ákimdigi qala qonaqtary men turǵyndarynan qorshaǵan ortaǵa uqypty qaraýdy, qoqysty arnaıy bólingen konteınerlik jáne qoqys baktaryna tastaýdy suraıdy.
